గోవా పురాతన హిందూ రాజ్యాలచే స్థాపించబడింది మరియు నిర్మించబడింది మరియు కదంబ రాజవంశం యొక్క రాజధానిగా పనిచేసింది.గోవాని పోర్చుగీస్ వారు ఆక్రమించుకున్నప్పుడు అక్కడ హిందువులను మతం మార్చడానికి వారిని చిత్ర హింసలకు గురి చేసారు.అలా మారని వారిని విచారణ (ఇంక్విజిషన్) పేరు తో చిత్ర హింసలకు గురి చేసి చూపేవారు.దానినే గోవా ఇంక్విజిషన్ (విచారణ) అంటారు.దీనికి వాస్కోడాగామా కాలికట్ కి చేరుకున్నప్పుడు బీజం పడింది.దాని గురించి పూర్తి వివరాలు తెలుసుకోండి.

                            అల్బుకెర్కీ కేవలం సుగుధ ద్రవ్యాల కోసం మాత్రమే కాదు.అరబ్ నుండి దిగుమతి చేసుకునే మేలు రకం గుర్రాల గురించి కూడా హిందూ మహాసముద్రం పైన ఆధిపత్యం చెలాయించాలనుకున్నాడు.అనుకున్నట్టుగానే జరిగింది.భారతదేశం మరియు మిగిలిన దేశాలు ఈ రెండు వస్తువుల గురించి పోర్చుగల్ వారి డిమాండ్లకు ఒప్పుకోవలసి వచ్చేది.ఇదంతా పక్కన పెడితే

            అప్పుడే జరిగిన యుద్ధం లో ప్రాణాలను కోల్పోయిన లేదా బంధీలు కాబడ్డ హిందూ మరియు ముస్లింల భార్యలను తిరిగి వివాహం చేసుకుని రోమన్ కాథలిక్ మతంలోకి మార్చమని అల్బుకెర్కీ తన సైన్యానికి చెప్పారు.దాంతో మొత్తం పోర్చుగల్ సైన్యం మొత్తం అదే విధానాన్ని అనుసరించారు‌.అలా చేసిన వారందరికీ గోవాలో ఆస్తులు ఇవ్వబడ్డాయి.పైగా పోర్చుగీసు కార్యాలయాల్లో వారికి మంచి స్థానాలు లభిస్తాయి.కానీ చాలా మంది స్త్రీలు మతం మారడం ఇష్టం లేక ఆత్మహత్యలు చేసుకున్నారు.గ్రామ సంఘాలు మునుపటిలా నిర్వహించగలిగినా అక్కడ కూడా క్రైస్తవులకే ప్రాధాన్యత లభించింది.అయితే హిందువులు మాత్రం మతం మారడం ఇష్టం లేక తమ సంస్కృతిని పాటించారు.

               పోర్చుగీసు వారి ప్రధాన లక్ష్యం గోవా హిందువుల మతం మార్చాలి.దీని కోసం మొదటి బిషప్ 1538లో గోవా కి వచ్చారు. అప్పటి వరకు క్రైస్తవులు మరియు హిందువులు (హిందువుల కంటే క్రైస్తవులకు ఎక్కువ సౌలభ్యాలు ఉన్నప్పటికీ,క్రైస్తవులకి ఎక్కువ అవకాశాలు ఉన్నప్పటికీ) స్వతంత్రంగానే బతికేవారు.కానీ అప్పటి నుండి పరిస్థితులు మారిపోయాయి.హిందూ దేవాలయాల పైన దాడులు చేయడం మరియు దేవాలయాల ఆస్తులు చర్చిలు ఆక్రమించుకోవడం జరిగేది.  

                కానీ 1542లో మొదటి జెస్యూట్ గోవాకి వచ్చాడు.అతను ఒకే నెలలో ఒక గ్రామం లోని 10000 మందిని మతం మార్చాడని చెప్పుకుంటారు.చాలాసార్లు గోవా లో ఒక రోజు లోనే వందల మందిని మతం మారుస్తూ ఉండేవాడు.దానికి సంబంధించిన మిషనరీ స్కూళ్లను స్థాపించేవాడు.పైగా ప్రభుత్వం నుంచి కూడా బహుమతులు లాంటివి అందడం మరొక కలిసొచ్చే అంశం గా మారింది.క్రిస్టియన్ మిషనరీలు,చర్చ్ లు, కాన్వెంట్ లు విచ్చలవిడిగా వచ్చాయి.అలాగే కొంత మంది క్రిస్టయన్ తల్లి తండ్రులకు పుట్టామని చెప్పుకుంటే ఆస్థి వస్తుందని కుటుంబాలను మతం మార్చేవారు.ఇంత జరిగినా కొంత మంది మతం మారలేదు.మరికొంత మంది బయటకి మారినట్టు కనిపించినా రహస్యంగా తమ ఆచారాలను పాటించేవారు.

                                కానీ క్రైస్తవాన్ని విస్తరించాలనే లక్ష్యం తో అప్పటికే 1497లో యూదులను బలవంతంగా మతం మార్చాలని పోర్చుగల్ లో ఆదేశాలిచ్చారు.తర్వాత అక్కడ కూడా యూదుల పైన విచారణ చేపట్టి శిక్షలు విధించారు.అప్పటికే భారత్ లో యూదుల ఉండడంతో వారితో కలిసి నిర్భయంగా,స్వేచ్ఛగా తమ సంస్కృతిని పాటించవచ్చని వారు కూడా గోవాకి వచ్చారు.కానీ ఇక్కడ కూడా వాళ్ళు క్రైస్తవ్యాన్ని ప్రజల పైన రుద్దటం మొదలుపెట్టారు.అయితే ఇంకా మారని వాళ్ళు చాలా మంది ఉండడంతో వారి పైన ఆంక్షలు విధించటం మొదలుపెట్టారు.

  ‌       హిందూ ఆలయాల పైన దాడులు చేసి వాటి ఆస్థులను కబ్జా చేసారు మరియు వాటిని క్యాథలిక్ చర్చ్ లకు రాసిచ్చారు.హిందూ పండుగలను జరుపుకోవడం, హిందూ పద్ధతిలో వివాహాలు చేసుకోవడం నిషేధించారు.కొంకణీ,ఉర్దూ, ఆంగ్ల భాషలను కూడా నిషేధించారు.ఆ భాషలలోని పుస్తకాలను, గ్రంధాలను తగలబెట్టారు మరియు అందకుండా చేసారు.అలాగే కొత్త రచనలు రాకుండా చేసారు. హిందువుల పైన జిజియా పన్ను లాగా క్జెండి పన్ను విధించారు.

          1546న, హిందూ మతాన్ని నిషేధించాలని, హిందూ దేవాలయాలను ధ్వంసం చేయాలని, హిందూ విందులను బహిరంగంగా జరుపుకోవడాన్ని నిషేధించాలని, హిందూ పూజారులను బహిష్కరించాలని మరియు కఠినంగా శిక్షించాలని ఒక ఉత్తర్వు జారీ చేశాడు.క్రైస్తవేతరులకి ప్రభుత్వ కార్యాలయాల్లో ఎటువంటి పదవి లభించదు.కేవలం క్రైస్తవులకు మాత్రమే లభిస్తుంది.గ్రామ సభలలో హిందువుల స్థానాలను క్రిస్టియన్ లతో భర్తీ చేసారు.హిందువులు లేకుండా విచారణ, తీర్పు ఇవ్వొచ్చు, కానీ క్రిస్టియన్ లు లేకుండా అలా చేయకూడదు.క్రిస్టియన్లు మెజారిటీ ఉన్న గ్రామాలకు హిందువులు వెళ్ళకూడదు.న్యాయ విచారణలో హిందువుల సాక్ష్యం చెల్లదు.క్రిస్టియన్ల సాక్ష్యం మాత్రమే చెల్లుతుంది. చాలా ఆలయాలను కూల్చివేశారు.కొత్తవి కట్టకూడదు,పాతవి మరమ్మతులు చేయకూడదు అనే చట్టం చేశారు.హిందూ పూజారుల పైన దాడులు జరిగాయి.

            

                                            

              తండ్రి లేని హిందువుల పిల్లలు, అనాధలు చర్చికి ఇచ్చేయాలి‌.క్రైస్తవ్యంలోకి మారిన హిందూ స్త్రీలకు తండ్రి ఆస్థి మొత్తం సంక్రమిస్తుంది.

       ఇలా హిందువులను క్రైస్తవ్యంలోనికి మార్చడానికి అన్ని రకాల చట్టలు చేసారు. హిందువులను చిత్ర హింసలకు గురి చేస్తూ, వారికి ఏ హక్కూ లేకుండా చేసారు.అయినా చాలా మంది మారలేదు.మరికొంత మంది క్రైస్తవులుగా మారినట్టు నటిస్తూ తమ ఆచారాలను పాటించేవారు.ఇలాంటి వారిని శిక్షించడం కోసం గోవా విచారణను(గోవా ఇంక్విజిషన్) చేపట్టారు.

           1560లో సుల్తాన్ ఆదిల్ షా పాత రాజ భవనంలో విచారణ మొదలు పెట్టారు.ఈ విచారణ కోసం అనేక మంది హిందువులను ఖైదీలుగా చేసారు.ఒకవేళ తమ మత చట్టాలకు వ్యతిరేకంగా నేరం ఋజువైనట్టయితే వారిని అత్యంత పాశవికమైన పద్ధతుల్లో హింసించి, చూపేవారు. 

          ఖైదీలకు భోజనం కూడా సరిగా పెట్టేవారు కాదు.కొరడాలతో కొట్టేవారు,మిషనరీల చేత కర్కశంగా హిందువుల గోళ్ళు మరియు కళ్ళు పీకేవారు.చెక్క పైన కట్టేసి సజీవంగా కాల్చేసేవారు,శరీరాలను నలిపివేసేవారు, చిన్న పిల్లలు స్త్రీలు తో సహా ఊళ్ళకు ఊళ్ళు తగలబడిపోయాయి.

            పెద్ద పెద్ద చక్రాల మధ్య కట్టేసి తిప్పేవారు.అమాయక హిందూ, యూదుల ప్రతి ఎముక నుజ్జు నుజ్జుయ్యే వరకూ అలా చేసేవారు.హిందూ పిల్లలను దూరంగా తీసుకు పోయేవారు.తల్లిదండ్రుల ఎదురుగా పిల్లలను రాక్షసుల్లా సజీవ దహనం చేసేవారు.స్త్రీల స్థనాలను పట్టకారు లాంటి వస్తువుతో పట్టుకుని మెలి తిప్పి వాటిని పీకేసేవారు.

            ఈ విచారణ మధ్యలో సరస్వత్ బ్రాహ్మణులు కొంత మంది తప్పించుకొని శివలింగాన్ని తమతో పాటు తీసుకొని పోయి హిందూ రాజ్యానికి చెందిన సోండే గ్రామంలో ఆలయాన్ని నిర్మించారు.యురోపియన్లు అనాగరికంగా హిందువుల గ్రామాలు నాశనం చేసి వారిని చిత్ర హింసలకు గురి చేసి చంపారు. అయినప్పటికీ చాలా మంది హిందూ మతాన్ని విడువలేదు మరియు అయిష్టంగానే విడిచిన వాళ్ళు తమ సంస్కృతి పైన ప్రేమని పోగొట్టుకోలేదు.మరికొంత మంది హిందూ మతాన్ని విడవడం ఇష్టం లేక,అలాగని ఈ శిక్షలు అనుభవించలేక గోవాని వదిలి పారిపోయారు,సరిగా తిండి లేక ఖైదీలుగా చనిపోయిన వారిని కూడా వదలలేదు.ఎలాగో వారిని ఏం చేయలేము కాబట్టి వారి దిష్టి బొమ్మలను తగలబెట్టేవారు.హిందుత్వం పైన అంత విద్వేషంతో రగిలిపోయారు వాళ్ళు..

                 1560లో మొదలైన ఈ విచారణ 1812 వరకు కొనసాగింది మరియు అనేక మంది హిందువులను చిత్రహింసలకు గురి చేయడమే కాకుండా వారి ప్రాణాలను సైతం తీసింది.చిన్న పిల్లలు,స్త్రీలు అని కూడా చూడకుండా ఎంతో మంది ప్రాణాలను కర్కశంగా తీసింది.

           1812లో ఈ విచారణ నిలిపివేసిన తర్వాత దీనికి సంబంధించిన పత్రాలను అన్నింటినీ తగలబెట్టారు.దాని వలన ఎంత మంది ఈ విచారణ వల్ల బాధితులయ్యారో సరిగ్గా తెలుసుకోవడానికి వీలు లేకుండా పోయింది.దాదాపుగా 16000 మంది ఈ శిక్షలు అనుభవించారు అని ఒక అంచనా.కానీ ఆ పత్రాలు ఉంటే ఈ సంఖ్య ఇంకా ఎక్కువ ఉండవచ్చు.ఇంకా ఎన్ని రకాలుగా శిక్షలు అనుభవించారు అనేది కూడా తెలిసేది.చివరికి 2,50,000 మంది జనాభాలో 20,000 మంది కూడా హిందువులు లేకుండా పోయారు.ఈ విచారణ 1812 లో ఆగినప్పటికీ 1961లో గోవాని భారత్ విముక్తి చేసే వరకూ ఎన్నో దారుణాలను హిందువులు చవి చూడాల్సి వచ్చింది.

             కానీ ఆ తర్వాత గోవా వాసులు కొంకణి భాషను తమ మాతృ భాష గా ఎంచుకున్నారు.మరియు ప్రేమించారు.అలాగే 1920ల చివరలో చాలా మంది క్యాథలిక్ గౌడ సరస్వతులు తిరిగి హిందూ మతం లోకి మారారు.

          వారు బ్రిటిష్ బొంబాయి సతారా జిల్లా మసూర్ లోని ఆశ్రమ గురువు వినాయక్ మహరాజ్ మసుర్కర్ ని అభ్యర్ధించారు.అతను కాథలిక్ గౌడ మరియు కుంబిస్ ల హిందూ మతం పునరాగమనానికి అంగీకరించి శిష్యులతో కలిసి భక్తి గీతాలు పాడుతూ, పూజలు చేస్తూ గౌడ గ్రామాలలో తిరిగారు.దాని వల్ల చాలా మంది తిరిగి హిందూ మతం లోకి రావడానికి సుముఖత చూపారు.

    రోమన్ కాథలిక్ చర్చి మరియు పోర్చుగీసు అధికారుల తీవ్ర వ్యతిరేకత ఉన్నప్పటికీ 1928 ఫిబ్రవరి 23న భారీ ఎత్తున తిరిగి హిందూ మతం లోకి చేరారు.వారి పేర్లను కూడా మార్చుకున్నారు.మొత్తం 8,000 మంది వరకు ఈ సంఖ్య ఉంటుంది.

       దురదృష్టం ఏంటంటే ఇంత దారుణమైన సంఘటన గురించి మన చరిత్ర లో ఎక్కడా చెప్పలేదు, ఎవ్వరికీ తెలియదు.

                         ఈ అమానుష చర్య పైన మీ అభిప్రాయం తెలియజేయండి.